المقال الأفتتاحي للمدونة

السلام عليكم ورحمة الله وبركاته


   بإذن الله هدفنا من المدونة إن احنا نساعد بعض في تعلم خطوات عمل الحاجات اللي ممكن تكون صعبة علي البعض منا أو المبتدئين في أي مجال يعني بإذن الله هنتكلم في أي حاجة من الصفر لحد ما نوصل لدرجة الإحتراف إن شاء الله ومن كلامي كده يبان إننا مش هنهتم بمجال واحد لأ إحنا بإذن الله هنحاول نتكلم معاكم في كل حاجة تطلبوها مننا زي التدوين وبرامج الكومبيوتر وأنظمة التشغيل المختلفة وهكذا يعني


   انا مش خبير في كل حاجة بس هحاول أقدم المعلومات اللي اعرفها وهاحاول أبحث عن الحاجات اللي معرفهاش وطبعا مساعدتكم هيكون ليها أثر كبير زي ما قلت إحنا هنساعد بعض كل واحد عنده معلومة في حاجة معينة ممكن يساعد غيره بيها واي معلومة حتي لو كانت صغيرة فعلا بتفرق في المجمل


   انا مش هاحط تعريف عن نفسي عشان في رأيي أن المهم مش انا اكون مين لأ المهم ايه اللي بيكتب في المدونة فالاساس هو الموضوع مش الشخص وبرضه زي ما اتفقنا كلنا هنساعد بعض وبالتالي الكلام مش هايبقي بتاعي لوحدي لأ كلنا هنشارك وبالتالي انا ماقدرش احتكر ده لنفسي وابقي انا اللي في الصورة في حين ان المعلومات بتاعتنا كلنا


   أتمني فعلا المدونة تكون مساعدة جيدة للناس اللي محتاجة مساعدة فعلا